Украина миллий жамоаси бош мураббийи Андрей Шевченко Евро-2020 1/4 финалидан ўрин олган Англияга қарши ўйин олдидан ўз фикрларини билдирди.
«Англия — Евродаги энг яхши ва барқарор жамоалардан бири. Ҳақиқатан ҳам ажойиб жамоани йиғган Гарет Саутгейтни таъкидлаб ўтмоқчиман. Англия ўз тарихидаги энг яхши лаҳзалардан бирини бошдан кечирмоқда. Бизни қийин ўйин кутмоқда.
Қайси жамоа билан ўйнаётганимизни тушунамиз, лекин кучли томонларимиз ҳақида ҳам биламиз. Ушбу турнирда аллақачон характеримизни намойиш этдик, маълум тамойилларга амал қилишимизни кўрсатдик.
Ярмоленкода ҳаммаси жойида. Зубков якка тартибда шуғулланмоқда. У Англия билан ўйнамайди», — дея Шевченконинг сўзларини келтиради УЕФА матбуот хизмати.
Украина — Англия ўйини бугун, 3 июль куни бўлиб ўтади. Беллашув Тошкент вақти билан 00:00да бошланади.
