Англия терма жамоаси Украинани 4:0 ҳисобида мағлубиятга учратиб, Евро-2020 ярим финалига йўл олди. Ўйиннинг энг яхши футболчиси деб топилган Ҳарри Кейн баҳс якунидан кўп ўтмай интервью берди.
"Кўплаб футболчиларимиз Жаҳон чемпионатининг ярим финалида ўйнашган ва финалга бир қадам қолганда мағлуб бўлиш ачинарли эканлигини яхши билишади. Ҳозирча Евро-2020 биз учун яхши ўтмоқда, биз тўхтамаяпмиз. Биз катта турнирларда ғолиб чиқишни хоҳлаймиз", - деди Кейн.
Европа чемпионатининг ярим финалида Англия "Уэмбли"да Дания билан тўқнаш келади. Ўйин 7-июль куни бўлиб ўтади.
