Италия терма жамоаси бош мураббийи Роберто Манчини Евро-2020 ярим финали доирасидаги Испанияга қарши ўйин олдидан ўз фикрлари билан ўртоқлашди.
"Бизни қийин ўйин кутиб турибди. Испания Бельгиядан фарқ қилади, аммо биз ҳали ҳам кўп қийинчиликларга дуч келамиз. Испания сўнгги бир неча йил ичида ажойиб жамоага айланди, уларда кўплаб ёшлар ва ажойиб мураббий бор. Умид қиламанки сиз камида бир марта ҳақсиз (Италия финалга чиқишига ишонган журналистларга жавобан). Бу осон бўлмайди, биз сифатли футбол намойиш этишимиз керак. Испания энг яхши жамоа, бу осон бўлмайди", - дейди Манчини.
