Даниянинг «Брондбю» клуби ва Дания ўсмирлар терма жамоасининг 17 ёшли марказий ҳимоячиси Андрес Кристенсен «Челси» клуби аъзосига айланди, дея championat.com интернет-нашри инглиз оммавий ахборот воситаларига таянган ҳолда хабар бермоқда.
Ушбу трансфер расман шу йилнинг ёзида, футболчининг ҳозирги клуби билан шартнома муддати якунига етганда амалга ошади. Шундай қилиб, футболчи Лондон клубига мутлақо бепулга тушадиган бўлди.
Маълумот учун шуни ҳам айтиш жоизки, «Брондбю»нинг ўсмирлар жамоасида Кристенсен жамоа сардори вазифасини бажарарди. Бундан ташқари футболчи клубнинг иккинчи жамоаси таркибида бир неча расмий ўйинларда иштирок этишга ҳам улгурган.
