"Барселона" "Хетафе" билан Карлес Аленья трансфери бўйича деярли келишувга эришди.
Ярим ҳимоячи 9-июль, жума куни Мадридга бориши керак. Шартнома расман 12-июль, душанба куни эълон қилиниши кутилмоқда.
"Хетафе" футболчи учун "Барселона"га қанча пул тўлаши ҳозирча маълум эмас. Журналист Маттео Моретто трансфер тахминан 5 миллион еврони ташкил этишини таъкидламоқда. Олдинроқ каталонияликлар 23 ёшли футболчи учун камида 8 миллион евро олишни исташгани ҳақида хабар берилган эди.
Аленья ўтган мавсумнинг бир қисмини "Хетафе" таркибида ижарада ўтказди, 22 ўйинда иккита гол урди ва иккита голли пас берди.
Умуман олганда, ярим ҳимоячи "Барселона" таркибида 44 та ўйин ўтказган.
