Дортмунднинг "Боруссия" клуби ҳужумчиси Эрлинг Ҳоланд Евро-2020 финалидан сўнг Англия футболчиларига қарши ижтимоий тармоқларда бўлаётган ирқчилик ҳақоратларини қоралади.
Лондондаги "Уэмбли" стадионида бўлиб ўтган Европа чемпионати финалида Англия Италияга ютқазди (1:1 пенальтилар сериясида, 2-3). Пенальтини аниқ зарба бера олмаган Англия футболчилари Маркус Рэшфорд, Букайо Сака ва Жейдон Санчога ижтимоий тармоқларда ирқчилик кўринишидаги камситишлар амалга оширилди.
“Нега ҳали ҳам ирқчилик ва камситиш борлигини тушунмаяпман. Биз ҳар қандай камситишга қарши курашишдан чарчамаймиз. Пенальтини тепишга журъат этгани учун қарсак чалиш ўрнига, бу ёшларга ирқчилик ҳақоратлари билан ҳужум қилинмоқда.", - деб ёзди норвегиялик твиттерда.
