Лондоннинг «Тоттенҳем» клуби «Аталанта»нинг икки футболчисини сотиб олиш бўйича музокараларга киришган. Булар марказий ҳимоячи Кристиан Ромеро ва дарвозабон Перлуижи Голлини. Ушбу трансферларни амалга оширишни клубга янги тайинланган спорт директори Фабио Паратичи хоҳламоқда.
Паратичи ушбу ёзда ҳимояга кучли эътибор бериш ниятида. «Шпорлар» шунингдек, «Болонья» клуби ҳимоячиси, ҳозирда Япония терма жамоасида Олимпия ўйинларида қатнашиши кутилаётган Такеҳиро Томиясуни қўлга киритишга яқин тургани айтилган эди.
