Қатарнинг "Ас-Садд" клуби эркин агент бўлган ҳужумчи Лионель Мессига катта таклиф билан чиқди. Бу ҳақида "101 Great Goals" нашри хабар бермоқда.
Клуб 34 ёшли аргентиналикка 1 миллиард еврога 3 йиллик шартнома таклиф қилди.
Эслатиб ўтамиз, "Ал-Садд"га Мессининг "Барселона"даги собиқ жамоадоши Хави мураббийлик қилади.
Мессининг Каталония клуби билан шартномаси 30 июнь куни якунига етди ва клуб кеча футболчи билан янги шартнома имзоламаслигини расман маълум қилди.
Месси 2004 йилда "Барселона" жамоасида дебют қилган ва ўшандан буён доимий
равишда "кўк-анорранглилар" сафида ўйнаб келмоқда. Клуб билан биргаликда аргентиналик футболчи ўн бор Испания чемпионлигини ва етти марта Испания кубогини, шунингдек, тўрт марта Чемпионлар лигасини ютган.
