Таниқли футбол шархловчиси Хайрулла Ҳамидов ўз телеграм каналида легионер футболчимиз Элдор Шомуродовнинг "Рома" сафидаги дебют голи ва ўйини ҳақида фикр билдирди.
"Қочиб кетиб гол уриш борасида Элдор борган сари монстрга айланмоқда. Бир гол, бир ассист - дебют ўйинга ёмонмас, а?!
Жамоаси ютқазди дарвоқе. Шомуродов ўртоқлик ўйинида ҳам жанг қиладиган, мураббийи билан қўшилиб икки футболчиси қизил карточка оладиган масканга келганини англаб олди (Расмий ўйинлар қандай бўлади, билмаймиз).
Хуллас, нима бўлган тақдирда ҳам табрик!", дейди Хайрулла Ҳамидов
