«Реал Мадрид», «Манчестер Юнайтед», «Манчестер Сити», «Челси», «Арсенал» клублари унга қизиқди, у эса «Тоттенҳэм»ни танлади.
Франциянинг «Лилль» клуби вакили бельгиялик Эден Азар ҳақида француз матбуотида янги хабар тарқалди. Кейинги мавсумда ЧЛ да иштирок этишга жиддий бел боғлаган Лондоннинг «Тоттенҳэм» клуби футболчи билан келишиб бўлган. Футболчининг клуби билан тузган шартномасида «40 миллион евро таклиф қилинса, кетиши мумкин» деган банди бор, лондонликлар шу шартга кўнган кўринади.
Ушбу футболчига Европанинг бир қатор гигант клублари қизиқиш билдираётганди. 21 ёшли футболчи «ПСЖ»дан ҳам таклиф бўлганини ўзи айтганди. Арсен Венгер ҳам футболчининг ўз клубида кўришни ният қилганди, бироқ сал тежамкорроқ бўлган ушбу мутахассис катта пулни бекордан бекорга совуришни истамайди.
