«Барселона» ва Испания терма жамоаси вингери Ламин Ямал ўзининг жароҳати ҳақида фикр билдирди.

«Майдонда бўлмасам-да, мен сиз билан биргаман. Жамоанинг оддий бир аъзоси сифатида сизни қўллаб-қувватлайман ва руҳлантириб тураман. Бу якун эмас, шунчаки танаффус. Мен янада катта иштиёқ билан қайтаман, кейинги мавсум эса ўтганидан ҳам яхшироқ бўлади», — деб ёзди Ямал ижтимоий тармоқдаги саҳифасида ўз клубига мурожаат қилиб.

Эслатиб ўтамиз, жароҳати сабабли Ямал мавсумнинг қолган қисмини ўтказиб юборади, бироқ Шимолий Америкада бўлиб ўтадиган Жаҳон чемпионатида «қизил фурия» таркибида иштирок эта олади.

Қайд этиш жоизки, 18 ёшли вундеркинд жорий мавсумда жами 45 та расмий учрашувда майдонга тушиб, 24 та гол ва 18 та голли узатмага муаллифлик қилди.