"Тоттенхэм" президенти Даниэль Леви ҳужумчи Харри Кейнни сотмоқчи эмас. Бу ҳақда Британия матбуоти хабар бермоқда. Эслатиб ўтамиз, тўпурарга асосий даъвогар - "Манчестер Сити".
Кейинги ҳафта Леви "шаҳарликлар" вакиллари билан шахсан учрашади ва ўз қарорини эълон қилади. У "Сити" раҳбариятидан бошқа тўпурар трансферини ташкиллаштиришга уринмасликни сўрайди.
Бироқ, Кейннинг ўзи ҳамон "Тоттенхэм"ни тарк этмоқчи. Агар Леви уни сотишдан бош тортса, у янги мавсумда жамоага катта муаммо туғдириши мумкин.
