Ҳужумчи Харри Кейн тинимсиз "Тоттенхэм"ни тарк этиб, футболчининг трансфери учун тахминан 120 миллион фунт тўлашга тайёр бўлган "Манчестер Сити"га ўтишга ҳаракат қилмоқда. Бироқ 28 ёшли "шпорлар" ҳужумчисининг режалари амалга ошиши даргумон.
The Telegraph нашрининг даъво қилишича, Лондон клуби президенти Дениэл Леви Кейнни таклиф қилинган пул эвазига қўйиб юбормоқчи эмас, чунки у Ҳаррини 160 миллион фунтдан паст нархга сотишни хоҳламаяпти. Ушбу сумма эса "шаҳарликлар" раҳбариятига унчалик мос келмаяти. Шунинг учун Кейн ёзда "Тоттенхэм"ни тарк этиши даргумон.
Бу мавсумда Ҳаррига катта умид боғлаган лондонликлар бош мураббийи Нуну Эшпириту Санту ҳам бу тахминларни тасдиқлайди.
"Ҳарри таркибга кейинроқ қўшилади, лекин бугун эрталаб у биз билан машҳулотга қатнашди ва аста-секин юқори формага кириб бормоқда. Тайёр бўлгач, у жамоага қўшилади.
Кейн - дунёнинг энг зўр футболчиларидан бири ва биз уни жамоамизда эканлигидан жуда хурандмиз. Энди у формасини тиклаш ва клубга ёрдам беришга тайёр бўлиши керак", - дея фикр билдиради Санту Evening Standard нашрига.
