"Арсенал" ярим ҳимоячиси Гранит Жака Лондон клуби билан янги шартнома имзолайди, деб хабар беради Football London нашри. Хабар қилинишича, янги шартнома 2025 йилнинг ўрталарига қадар амал қилади.
Аввалроқ, Жака "Рома"га ўтишга яқин тургани ҳақида хабар берилганди, аммо клублар ўзаро келиша олишмади. Шу муносабат билан Лондон клуби раҳбарияти швейцарияликларни жамоада сақлаб қолишга ва унга янги шартнома таклиф қилишга қарор қилди.
Эслатиб ўтамиз, Жака 2016 йилда Мюнхенгладбахнинг "Боруссия" клубидан 45 миллион еврога "Арсенал" га ўтган эди. Унинг "канонирлар" билан амалдаги шартномаси 2023 йилгача мўлжалланган. Премьер-лиганинг биринчи турида у майдонга клуб сардори сифатида тушганди.
