"Манчестер Сити" шанба куни Англиянинг бешинчи дивизиони клуби "Солихалл Мурс"да ўйнаётган ҳужумчи Кайл Хадлининг ўйинини кузатади. The Athletic нашри маълумотларига кўра, Хадлин Буюк Британиядаги энг баланд профессионал футболчи ҳисобланади. Унинг баландлиги 2 метр 6 сантиметр.
"Манчестер Сити" учун янги мавсумни кичик ҳисобдаги мағлубият билан бошланганини биламиз. Хосеп Гвардиола шогирдлари Англия суперкубогида ҳам аввал "Лестер"га, кейин эса Премьер-лиганинг очилиш турида "Тоттенхэм"га ютқазди. Иккала ҳолатда ҳам "шаҳарликлар" рақибларидан 0:1 ҳисобида имкониятни бой берди.
