«Барселона» бош мураббийи Рональд Куман Каталония клуби яримҳимоячиси Миралем Пьянич атрофида содир бўлаётган вазиятга изоҳ берди.
Эслатиб ўтамиз, футболчи каталонияликларнинг Ла Лига 1-туридан ўрин олган «Реал Сосьедад»га (4:2) қарши ўйини учун кенгайтирилган таркибига киритилмаган эди.
«Бизда айни дам 27 нафар ўйинчи бор ва мен уларнинг ҳаммасини эълон қила олмайман. Қолаверса, унинг клубдаги мавқеи ҳақида ҳамма билади.
Мен ҳар доим бу клубнинг келажаги бўлган ёш футболчиларга имконият бераман», - дейди Куман.
Эслатиб ўтамиз, Пьянич 2020 йилда «Ювентус»дан «Барселона»га 60 миллион евро эвазига кўчиб ўтганди.
Унинг клуб билан шартномаси 2024 йилнинг ўрталарига қадар амал қилади. Аввалроқ, боснияликнинг Туринга қайтишга яқин тургани, чунки у бош мураббий Массимилиано Аллегри билан бирлашмоқчи экани ҳақида хабар берган эдик.
