Туриннинг "Ювентус" клуби "Сассуоло" ярим ҳимоячиси Мануэль Локателли билан шартнома имзолашга яқин турибди.
Журналист Фабрицио Романонинг ёзишича, "кекса синьора" италиялик 23 ёшли ярим ҳимоячининг трансферини шу ҳафта охиригача якунлайди ва бунинг учун у 35 миллион евро тўлаши кўзда тутилган.
Қайд этилишича, айни вақтда томонлар сўнгги трансферларни муҳокама қилишмоқда.
Локателлининг шахсий шартномаси шартлари аллақачон келишилган.
Эслатиб ўтамиз, ўтган мавсум Локателли А Серияда 34 та ўйинда майдонга тушиб, 4 та гол урди ва 2 та голли узатмани амалга оширди.
