"Барселона" ҳужумчиси Мемфис Депай жамоани тарк этган ҳужумчи Лионель Месси билан шахсан учрашишга улгурмаганини айтди.
"У билан танишишга ҳам вақтим йўқ эди. Лео Америка Кубоги таътили туфайли мавсумга тайёргарлик кўришни кеч бошлади ва мен унга салом айтишга ҳам улгурмадим. Балки, агар биз бир-биримизга қарши ўйнасак ёки у клубга қайтса, буни қилишимиз мумкин. Яна ким билади дейсиз", - дея Diario Sport нашри Депайнинг сўзларинии келтиради.
2021 йил 15 августда Депай Испания чемпионатида дебютини ўтказди ва биринчи турда "Реал Сосьедад"га қарши ўйинда майдонга тушди ва голли узатмани амалга оширди.
27 ёшли голландиялик ҳужумчи шу ёзда "Барселона"га Франциянинг "Лион" жамоасидан кўчиб ўтган.
