«Манчестер Юнайтед»нинг англиялик ҳужумчиси Маркус Рэшфорд елкасидан олган жароҳатидан кутилганидан анча тезроқ тузалиб, майдонга қайтиши мумкин.
Бу ҳақда The Sun нашри хабар беради.
Манбага кўра, елкадаги операциядан сўнг, Рэшфорд жуда тез тикланмоқда. Уни шу ой охиригача майдонда кўриш мумкин.
Эслатиб ўтамиз, елкасидан олган жароҳат ўтган мавсумдан бери Маркусни ташвишга солиб келганди.
Футболчи Европа чемпионати туфайли операцияни июль ойининг охирига қолдирганди.
Англия Премьер-лигасининг иккинчи турида «Манчестер Юнайтед» 22 август куни «Саутгемптон» билан куч синашади.
