"Реал Мадрид" клуби ўз футболчиси Каземиро билан шартномани 2025 йилгача узайтирди. Бу ҳақда клуб расмий сайтида маълум қилинди:
"Реал Мадрид футбол клуби ҳамда Каземиро шартнома бўйича янги келишувга эришди. Футболчи 2025 йилнинг 30 июньига қадар, яна тўрт мавсум жамоада қолади".
Ҳозирча шартнома шартлари ҳақида батафсил маълумот берилганича йўқ. Маълумот учун, бразилиялик футболчи 2013 йилдан буён қироллик клуби таркибида ҳаракат қилади.













