Махачқалъанинг «Анжи» клуби сардори Роберто Карлос ўз твиттеридаги саҳифасида жамоага янги келган Гуус Хиддинк ҳақида илиқ фикрларни билдириб ўтди. Карлоснинг фикрига кўра, Хиддинк билан жамоа яқин орада турли совринларни ютишни бошлайди.
«Хиддинкни жамоага тайинлаганидан хурсандман. Унга омад тилайман. Ишонаманки, жамоа худди «Реал»да бўлгани каби кетма-кет титулларга эришишни бошлайди», деб изоҳ қолдиради Роберто Карлос ўз твиттерида.
Таъкидлаб ўтиш жоиз, ҳозирда махачқалъаликлар Россия премьер-лигасида 52 очко жамғарган ҳолда 7-ўринда боришмоқда.