«Атлетико» ҳужумчиси номаълум муддатга сафдан чиқди.
Уругвайлик марказий ҳужумчи Луис Суарес Ла Лиганинг кечаги «Вильярреал»га қарши учрашувида (2:2) жароҳат олди ва 70-дақиқада алмаштирилди.
«Матрасчилар» матбуот хизмати хабарига кўра, 34 ёшли футболчи сонининг орқа қисмини жароҳатлаган. Яқин вақт ичида Луис тиббий кўрикдан ўтади, унинг натижаларига кўра жароҳатнинг қандайлиги аниқланади.
Маълумот учун, Испания чемпионатининг 2021/2022 йилги мавсумида Суарес учта учрашувда қатнашди ва битта гол урди.
