Оксфорд университети математиги Том Кроуфорд футболчиларни таққослаш формуласини яратди. Ушбу алгоритм футболчиларнинг клуб ва терма жамоа сафида эришган ютуқларини инобатга олади.

Ҳисоб-китобларга кўра, «Манчестер Юнайтед» форварди Криштиану Роналду футбол тарихидаги энг яхши ўйинчи деб топилди. Иккинчи поғонани "ПСЖ" ҳужумчиси Лионель Месси эгаллаган бўлса, футбол афонаси Пеле кучли учликка кирди.

Кейинги поғоналарни эса Ференц Пушкаш, Роналдо, Марко ван Бастен, Альфредо ди Стефано, Мишель Платини, Диего Марадона ва бошқалар банд этди.

Кроуфорд футболчиларни танлаб олишда камида 2та "Олтин тўп"ни қўлга киритганига ёки соврин ташкил этилмасидан аввал футбол оммасидан томонидан тан олинганига аҳамият қаратди. Ўйинчилар 7та тамойил бўйича баҳоланди:

1. Клуб сафида миллий чемпионат ва халқаро мусобақаларда қўлга киритган совринлари;

2. Терма жамоа таркибида қўлга киритган совринлари — жаҳон чемпионлиги учун 150 балл, Европа чемпионлиги ва Америка кубоги учун 100 балл, шунингдек, мусобақанинг энг яхши тўпурари бўлгани учун қўшимча очколар.

3. Клуб сафида урган голлари;

4. Миллий жамоа таркибида урган голлари;

5. «Олтин тўп» соврини учун курашда тўплаган очколари;

6. Шахсий рекордлар;

7. «Математик жиҳатдан юксак мавсумлар». Унда футболчининг голлари жамоага йирик совринларни тақдим этгани.

Шу тариқа, Кроуфорд формуласи бўйича топ-10 қуйидагича кўринишда бўлди:

1. Криштиану Роналду (537 очко)

2. Лионель Месси (503)

3. Пеле (459)

4. Ференц Пушкаш (305)

5. Роналдо (281)

6. Марко ван Бастен (237)

7. Альфредо ди Стефано (201)

8. Мишель Платини (177)

9. Диего Марадона (169)

10. Йохан Кройфф (163).