"Ливерпуль" устози Юрген Клопп январь ойида Муҳаммад Салоҳ ҳамда Садио Манеларсиз жамоа қандай ўйнаши ҳақида гапирди. Клуб ҳужумчилари 2022 йилнинг январь-февраль ойида бўлиб ўтадиган Африка Миллатлар лигаси мусобақаси учун ПЛни тарк этади. Германиялик мутахассис ушбу вазиятга шундай фикр билдирди:
"Биз буни билардик. Биз бу муаммо устида ишлашимиз керак ва ишлаймиз ҳам. Қандай қилиб, дейсизми? Буни январь ойида гувоҳи бўласиз. Одамлар ҳозир бизга Садио ҳамда Салоҳ даражасидаги яна иккита ҳужумчи кераклиги ҳақида гапирмоқда. Бу ечим бўла олмайди. Чунки биз бундай қила олмаймиз. Шундай экан биз бу муаммони январь ойида ўйлаб кўрамиз. Лекин мен Африка чемпионати қолдирилишини жуда хоҳлар эдим(кулади)".
Эслатиб ўтамиз, мерсисайдликлар бугун АПЛ 4 тур доирасида "Лидс" меҳмони бўлишади. Ушбу баҳс Тошкент вақти билан соат 20:30да старт олади.