The Sun нашрининг маълумот беришича. "Манчестер Юнайтед" клуби раҳбарияти жамоанинг португалиялик ярим ҳимоячиси Нанига янги шартнома таклиф қилишга тайёр.
25 ёшли португалиялик футболчининг амалдаги шартномаси 2014 йилнинг ёз ойигача мўлжалланган эди. Аммо. "Қизил иблис"лар бу шартномани яна икки йилга чўздирмоқчи. Янги шартнома шартларига кўра, футболчига ҳафтасига 130 минг фунти стерлинг миқдорида маош таклиф қилинмоқда. Бу эса, уни жамоанинг энг кўп маош олувчи футболчиларидан бирига айланишига сабаб бўлади. Португалиялик футболчининг ҳозирги маоши ҳафтасига 90 минг фунт стерлинг эди.
Яқин ҳафталар ичида томонлар музокара столига ўтиришлари ва янги шартнома борасида бир тўхтамга келишлари кутилмоқда.
