Дунёнинг энг вафодор мухлиси Бразилияда кашф қилинди. “Санта Крус” клуби мухлиси Тиаго Реч “Гремио” майдонида бўлган ўйинга ўз клуби мухлислари номидан бир ўзи борди.
Яъни, меҳмон жамоа мухлислари учун ажратилган 7500 кишига мўлжалланган трибунада Тиагонинг бир ўзи ўтирди. Бошқа мухлислардан дарак бўлмагач, унинг ўзи ўйиннинг охиригача ёлғиз ҳолда клубини олқишлаб турди.
Баҳонада Тиаго анча машҳур бўлди. Бугун дунёнинг кўплаб спорт телеканалларида у ҳақда махсус лавҳалар берилмоқда.