Англия клублари Чемпионлар лигаси гуруҳ босқичининг илк турида топ-5 лигалар орасида энг яхши натижани қайд этди.

Премьер-лига жамоалари 9 очко тўплади: «Манчестер Сити» «РБ Лейпциг»ни мағлуб этди (6:3), «Ливерпуль» «Милан» устидан зафар қучди (3:2) ва «Челси» эса «Зенит»ни таслим этди (1:0), бироқ «Янг Бойз» билан ўйинда (1:2) «Манчестер Юнайтед» мағлубиятга учради.

Бундеслига клубларида 7 очко бор. «Бавария» «Барселона»ни мағлуб этди (3:0), «Боруссия Дортмунд» «Бешиктош»ни мағлуб этди (2:1) ва «Вольфсбург» «Лилль» билан очко алмашди (0:0). «Лейпциг» очко ололмади, жамоа «Сити»га йирик ҳисобда ютқазди.

Испания клублари 6 очко тўплади: «Реал» «Интер»дан ғалабани тортиб олди (1:0), «Атлетико», «Севилья» ва «Вильярреал» ўз ўйинларини дуранг билан якунлади, «Барселона» «Бавария»га ютқазди.

Италия жамоаларида 4 очко бор: «Ювентус» «Малмьё»ни мағлубиятга учради (3:0), «Милан» ва «Интер» имкониятни бой берди, «Аталанта» «Вильярреал» билан дуранг қайд этди (2:2).
Франция жамоалари 2 очкони қўлга киритишга муваффақ бўлди: «ПСЖ» клубининг «Брюгге» билан кучи тенг келди (1:1), «Лилль» ҳам дуранг ўйнади.