Италия ва «Рома» ҳимоячиси Леонардо Спинаццола жароҳатидан тикланиши ҳақида гапирди. Эслатиб ўтамиз, италиялик Бельгия билан Европа чемпионатининг чорак финалида товонидан жароҳат олиб, майдонни замбилда тарк этишга мажбур бўлганди.
«Мен аллақачон қўлтиқ таёқчалардан қутулдим. Ҳаммаси яхши кетмоқда, чунки мен кўп меҳнат қилдим. Агар ҳаммаси яхши кетса, мен 75 кундан кейин майдонга қайтаман », - дея футболчининг сўзларини келтиради Football Italia.
Эслатиб ўтамиз, Спинаццола Италия терма жамоасининг Евро-2020даги энг яхши футболчиларидан бири эди. У икки марта учрашувнинг энг яхши футболчиси совринини қўлга киритди, лекин жароҳати туфайли ярим финал ва финалда қатнаша олмади.
