"Насаф" ОФК кубогининг чорак финал босқичи доирасида Ҳиндистоннинг "Моҳун Баган" клубини ўз майдонида қабул қилиб, ўта йирик ҳисобда ғалаба қозонди.

Баҳснинг 4-дақиқасида вакилларимиз бурчак тўпини ўйинга киритгач, ҳимоячи ўз дарвозасини ишғол қилиб қўйди.

Шундан кейин эса Ҳусайн Норчаевнинг "бенефиси" бошланди. У 17, 20 ва 31-дақиқаларда рақиб дарвозасига 3 марта йўл топди.

Бўлимнинг сўнгги дақиқалари эса Ойбек Бозоровга аталди. Дастлаб у пенальтини голга айлантира олмаган бўлса (тўп тўсинга тегди), қўшиб берилган дақиқаларда ярим ҳимоячи барибир ўз ҳисобига гол ёзди.

Ҳисоб 5:0 кўринишга келгач, қаршиликлар иккинчи таймда анча хотиржам тўп тепишди ва рақиб дарвозасини яна бир марта ишғол қилишди. Гол муаллифи — Дониёр Нарзуллаев.

"Насаф" ярим финалда Гонконгнинг "Ли Ман" клубига қарши ўтказади.

ОФК кубоги-2021, чорак финал
«Насаф» - "Моҳун Баган" - 6:0 (5:0)
Голлар: А.Меҳта 5ʼ (автогол), Ҳусайн Норчаев (17ʼ, 20ʼ, 31ʼ), Ойбек Бозоров (45+1ʼ), Дониёр Нарзуллаев (71ʼ)
Ноаниқ пенальти: Ойбек Бозоров 43ʼ