Бундеслига ва А Серия клублари Чемпионлар лигаси гуруҳ босқичининг 2-турида топ-4 лигасининг бошқа вакилларига қараганда анча омадли чиқишди.

Германия жамоалари «Бавария» ва «Боруссия Дортмунд»нинг ғалабалари ҳамда «Вольфсбург»нинг дуранг натижаси эвазига 7 очко тўплашди. «Лейпциг» ўз майдонида «Брюгге»га ютқазди (1:2), очко олмади.

Италия жамоалари ҳам 7 очко тўплашди: «Ювентус» ва «Аталанта» ғалаба қозонди, «Интер» дуранг ўйнади. Фақат ўз уйида «Атлетико» га ютқазган (1:2) «Милан» очколарга эга чиқмади.

Премьер-лига жамоалари 6 очко тўплашди: «Ливерпуль» ва «Манчестер Юнайтед» ғалаба қозонди, «Манчестер Сити» ва «Челси» мағлубиятга учради.

Ла Лига клубларида бу ҳафтада атиги 4 очко бор: «Атлетико»нинг ғалабаси ва «Севилья» ҳамда «Вольфсбург» ўртасидаги дуранг. «Реал Мадрид» сешанба куни «Шериф»га сенсацион тарзда ютқазди, чоршанба куни «Барселона» «Бенфика»га йирик ҳисобда имкониятни бой берди.