Bundesliga va A Seriya klublari Chempionlar ligasi guruh bosqichining 2-turida top-4 ligasining boshqa vakillariga qaraganda ancha omadli chiqishdi.

Germaniya jamoalari «Bavariya» va «Borussiya Dortmund»ning g‘alabalari hamda «Volfsburg»ning durang natijasi evaziga 7 ochko to‘plashdi. «Leypsig» o‘z maydonida «Bryugge»ga yutqazdi (1:2), ochko olmadi.

Italiya jamoalari ham 7 ochko to‘plashdi: «Yuventus» va «Atalanta» g‘alaba qozondi, «Inter» durang o‘ynadi. Faqat o‘z uyida «Atletiko» ga yutqazgan (1:2) «Milan» ochkolarga ega chiqmadi.

Premyer-liga jamoalari 6 ochko to‘plashdi: «Liverpul» va «Manchester Yunayted» g‘alaba qozondi, «Manchester Siti» va «Chelsi» mag‘lubiyatga uchradi.

La Liga klublarida bu haftada atigi 4 ochko bor: «Atletiko»ning g‘alabasi va «Sevilya» hamda «Volfsburg» o‘rtasidagi durang. «Real Madrid» seshanba kuni «Sherif»ga sensasion tarzda yutqazdi, chorshanba kuni «Barselona» «Benfika»ga yirik hisobda imkoniyatni boy berdi.