Франция ПФЛ Тартиб-интизом қўмитаси Франция чемпионатининг 6 тур учрашувида ("Ланс" - "Лилль") ўйин вақтида содир бўлган воқеаларни кўриб чиқди ва мухлисларнинг тартибсизлиги учун иккала клуб ҳам жазога тортилди.
Эслатиб ўтамиз, учрашув вақтида "Ланс" мухлислари майдонга югуриб чиқиб, жанжаллашиш учун "Лилль" мухлислар секторига киришга урингани сабабли иккинчи бўлим қолдирилди. Стадион хавфсизлик хизмати вазиятга аралашди ва ўйин тугатилди.
Шундай қилиб, икки жамоа ҳам турнир жадвалидан очколарни шартли олиб ташлаш билан жазоланади. Шунингдек, меҳмонлар мухлисларига 2021 йил охиригача сафар ўйинларига ташриф буюриш, мезбонларга 2 ўй ўйинини томошабинларсиз ўтказиш жазоси қўлланди.
