Туркияда ўқув-йиғин машғулотларини олиб бораётган Махачқалъанинг “Анжи” клуби Максим Шацких тўп сураётган Киевнинг “Арсенал” клуби билан куч синашиб йирик ҳисобда ғалаба қозонди.

Ўзига хос “ўзбек дербиси”нинг дастлабки дақиқалари умуман бир соати зерикарли кўриниш олди. 63-дақиқага келиб ниҳоят махачқалъаликлар ҳисобни очишди. Одил Аҳмедовга нисбатан ишлатилган қўполликдан кейин белгиланган жарима зарбасини Махач Гаджиев амалга оширди. Жонли деворга тегиб қайтган тўпга биринчи бўлиб етиб келган Самуэль Это‘О боши билан киевликлар дарвозасини ишғол қилди.
Иккинчи голга Бенуа Ангбва муаллифлик қилган бўлса, учинчи голни пенальтидан киритган Махач Гаджиев голни янги туғилган фарзандига бағишлади.

Учрашувда иккала ҳамюртимиз ҳам асосий таркибда майдонга тушиб 90 дақиқа мобайнида майдонда ҳаракат қилди. Одил Аҳмедов 28-дақиқада рақибга нисбатан ишлатган қўполлиги учун жазоланди.

Назорат учрашуви.
«АНЖИ» — «АРСЕНАЛ» КИЕВ — 3:0 (0:0)
Гол: Это'О, 63. Ангбва, 79. Гаджиев, 90 — пенальти.

«АНЖИ»: Помазан, Ангбва (Агаларов,85 ), Жоао Карлос, Тагирбеков, Гаджибеков, Жусилей (Мухаммад, 74), ОДИЛ АҲМЕДОВ, Иванов (Гаджиев, 46), Шатов (Голенда, 46), Лахиялов (Прудников, 46), Это'О.

«АРСЕНАЛ»: Боровик, Симоненко, Шоавэ, Хомин, Максимов, Полевой (Куанса, 61), Ковпак (Шершун, 46), Флореску, Старгородский (Абиде, 46), Гоменюк (Леандро, 46), МАКСИМ ШАЦКИХ.

Огоҳлантиришлар: Аҳмедов, 28 – Симоменко, 62.