«Ливерпуль» клуби Грециянинг «Олимпиакос» жамоси футболчиси Абу Сиссе учун «Эвертон» ва «Арсенал» билан курашади. Хабарларга кўра, мерсисайдликлар сенегаллик ҳимоячи учун скаут йўллаган.
Сиссе клубида Сократис билан мудофаада яхши ўйин кўрсатмоқда. Бу жуфтлик ички чемпионатда бу мавсум 5 та ўйинда жами 2 та гол ўтказиб юборган, холос.
Сиссе «Фенербаҳче» билан кечган Европа лигаси баҳсида ҳам дарвозаси даҳлсизлигини сақлашга катта ёрдам берганди. 26 ёшли футболчи ҳозирда терма жамоаси билан саралаш баҳсларида иштирок этмоқда.
