«Liverpul» klubi Gresiyaning «Olimpiakos» jamosi futbolchisi Abu Sisse uchun «Everton» va «Arsenal» bilan kurashadi. Xabarlarga ko‘ra, mersisaydliklar senegallik himoyachi uchun skaut yo‘llagan.

Sisse klubida Sokratis bilan mudofaada yaxshi o‘yin ko‘rsatmoqda. Bu juftlik ichki chempionatda bu mavsum 5 ta o‘yinda jami 2 ta gol o‘tkazib yuborgan, xolos.

Sisse «Fenerbahche» bilan kechgan Yevropa ligasi bahsida ham darvozasi dahlsizligini saqlashga katta yordam bergandi. 26 yoshli futbolchi hozirda terma jamoasi bilan saralash bahslarida ishtirok etmoqda.