Хабарингиз бор, келаётган ҳафта Чемпионлар Лигаси гуруҳ босқич учинчи тур баҳслари ўтказилади. Мазкур ўйинлар олдидан жамоалар ҳақида маълумот беришда давом этамиз.
"Ливерпуль"
УЕФА рейтинги (2020/21 якуни): 9
Қандай етиб келишди: АПЛда 3-ўрин
Ўтган мавсум: чорак финал (мағлубият, умумий 1:3 «Реал»)
Еврокубоклардаги энг яхши натижа: ғолиб (1976/77, 1977/78, 1980/81, 1983/84, 2004/05, 2018/19)
Бош мураббий: Юрген Клопп
2015 йилдан бери Мерсисайд клубини бошқариб келаётган Клопп «қизиллар»ни 2018/19 йилги мавсумда Чемпионлар Лигаси чемпиони қилди ва шундан кейинги мавсум узоқ 30 йил кутилган АПЛ бош совринига эга чиқди. Германиянинг «Майнз» клуби таркибида ҳужумчи позициясидан ҳимояга ўтган ва мураббийлик фаолиятини айнан шу клубда бошлаган мутахассис Дортмунднинг «Боруссия» клуби билан 2 марта Бундеслига чемпиони бўлган ва «Энфилд» стадионида ўз уй ўйинларини ўтказадиган «Ливерпул» тизгинини қўлга олган.
Асосий ўйинчи: Муҳаммад Салаҳ
Мисрлик ҳужумчи 2017 йилда Римнинг «Рома» клубидан «Ливерпул»га кўчиб ўтганидан бери жамоанинг юзи бўлиб келмоқда. «Базел»да юлдуз бўлган вингер биринчи бор АПЛга 2014 йилда келган ва «Челси» сафида кўриниш берган. Лекин, у асосий салоҳияти: тезлик, интеллект ва ҳужумни муваффақиятли якунлаш каби маҳоратлари унга Чемпионлар Лигасида клуб учун 25 гол уришга ёрдам берди.
Ёзги энг катта хариди: Ибраҳима Конате
«Лейпсиг» марказий ҳимоячиси «Ливерпул»нинг 2021 йилги ягона асосий ёзги трансфери бўлди. 1.94 метр бўйга эга бўлган фулбек марказда Виржин ван Дейк билан тандем бўлишга муносиб деб кўрилмоқда.
Ўйинини кўриш керак: Куртис Жонс
18 ёшли вингер Ҳарви Эллиотнинг тўпиғидан жароҳат олиб сафдан чиқиши, 20 ёшли ярим ҳимоячи Жонс учун «қизиллар» таркибида кўриниш бериши учун имкон берди. Чемпионлар Лигасининг 2 ўйинида 109 дақиқа ҳаракат қилган англиялик жорий мавсум мусобақада аъло даражада таассурот қолдириш эҳтимоли йўқ эмас. Ҳар ҳолда икки ўйинда икки ассист ёмон
натижа эмас.
Биласизми?
«Ливерпуль» олти марта Европада тенгсиз деб топилган. Бу инглиз клублари орасида энг яхши натижа ҳисобланади. Ушбу кўрсаткич бўйича «Бавария» билан тенг бўлса, фақатгина «Милан» ҳамда «Реал» жамоалари кўпроқ чемпионликни қўлга киритишган.
Жотий мавсум Чемпионлар Лигаси икки туридан кейин Мерсисайд клуби «Атлетико», «Милан», «Порту» жамоалари билан бир гуруҳдан жой олган. Дастлабки турда Италия жамоаси 3:2 ҳисобида таслим этилган бўлса, Португалияга сафар қилган Клопп шогирдлари йирик 5:1 ғалабаси орқали уч очкога эга чиқишди. Учинчи турда уларни «Атлетико» ўз майдонида қабул қилади. Баҳс 19 октябрь куни Тошкент вақти билан 23:59 да бошланиши режалаштирилган.
