Xabaringiz bor, kelayotgan hafta Chempionlar Ligasi guruh bosqich uchinchi tur bahslari o‘tkaziladi. Mazkur o‘yinlar oldidan jamoalar haqida ma’lumot berishda davom etamiz.
"Liverpul"
UYEFA reytingi (2020/21 yakuni): 9
Qanday yetib kelishdi: APLda 3-o‘rin
O‘tgan mavsum: chorak final (mag‘lubiyat, umumiy 1:3 «Real»)
Yevrokuboklardagi eng yaxshi natija: g‘olib (1976/77, 1977/78, 1980/81, 1983/84, 2004/05, 2018/19)
Bosh murabbiy: Yurgen Klopp
2015 yildan beri Mersisayd klubini boshqarib kelayotgan Klopp «qizillar»ni 2018/19 yilgi mavsumda Chempionlar Ligasi chempioni qildi va shundan keyingi mavsum uzoq 30 yil kutilgan APL bosh sovriniga ega chiqdi. Germaniyaning «Maynz» klubi tarkibida hujumchi pozisiyasidan himoyaga o‘tgan va murabbiylik faoliyatini aynan shu klubda boshlagan mutaxassis Dortmundning «Borussiya» klubi bilan 2 marta Bundesliga chempioni bo‘lgan va «Enfild» stadionida o‘z uy o‘yinlarini o‘tkazadigan «Liverpul» tizginini qo‘lga olgan.
Asosiy o‘yinchi: Muhammad Salah
Misrlik hujumchi 2017 yilda Rimning «Roma» klubidan «Liverpul»ga ko‘chib o‘tganidan beri jamoaning yuzi bo‘lib kelmoqda. «Bazel»da yulduz bo‘lgan vinger birinchi bor APLga 2014 yilda kelgan va «Chelsi» safida ko‘rinish bergan. Lekin, u asosiy salohiyati: tezlik, intellekt va hujumni muvaffaqiyatli yakunlash kabi mahoratlari unga Chempionlar Ligasida klub uchun 25 gol urishga yordam berdi.
Yozgi eng katta xaridi: Ibrahima Konate
«Leypsig» markaziy himoyachisi «Liverpul»ning 2021 yilgi yagona asosiy yozgi transferi bo‘ldi. 1.94 metr bo‘yga ega bo‘lgan fulbek markazda Virjin van Deyk bilan tandem bo‘lishga munosib deb ko‘rilmoqda.
O‘yinini ko‘rish kerak: Kurtis Jons
18 yoshli vinger Harvi Elliotning to‘pig‘idan jarohat olib safdan chiqishi, 20 yoshli yarim himoyachi Jons uchun «qizillar» tarkibida ko‘rinish berishi uchun imkon berdi. Chempionlar Ligasining 2 o‘yinida 109 daqiqa harakat qilgan angliyalik joriy mavsum musobaqada a’lo darajada taassurot qoldirish ehtimoli yo‘q emas. Har holda ikki o‘yinda ikki assist yomon
natija emas.
Bilasizmi?
«Liverpul» olti marta Yevropada tengsiz deb topilgan. Bu ingliz klublari orasida eng yaxshi natija hisoblanadi. Ushbu ko‘rsatkich bo‘yicha «Bavariya» bilan teng bo‘lsa, faqatgina «Milan» hamda «Real» jamoalari ko‘proq chempionlikni qo‘lga kiritishgan.
Jotiy mavsum Chempionlar Ligasi ikki turidan keyin Mersisayd klubi «Atletiko», «Milan», «Portu» jamoalari bilan bir guruhdan joy olgan. Dastlabki turda Italiya jamoasi 3:2 hisobida taslim etilgan bo‘lsa, Portugaliyaga safar qilgan Klopp shogirdlari yirik 5:1 g‘alabasi orqali uch ochkoga ega chiqishdi. Uchinchi turda ularni «Atletiko» o‘z maydonida qabul qiladi. Bahs 19 oktyabr kuni Toshkent vaqti bilan 23:59 da boshlanishi rejalashtirilgan.
