"Тоттенхэм"нинг икки футболчисида сўнгги 24 соат давомида коронавирус аниқланди, дея хабар беради Англиянинг "Sky Sports" нашри. Манба футболчиларнинг орасида аниқ ким касаллик юқтирганига ойдинлик киритмаган.
Маълум бўлишича, ҳар икки футболчи пайшанба куни жамоа билан машғулот ўтказган. Энди улар қоидаларга кўра, 10 кунга ўзларини изоляция қилишлари керак. Шундай қилиб, бу футболчилар Премьер-лигада "Ньюкасл" ва "Вест Хэм" билан, шунингдек, Конференциялар-лигасида "Витесс" билан ўйинларни ўтказиб юборади.
Эслатиб ўтамиз, Англия чемпионатининг 8-туридан ўрин олган "Ньюкасл" - "Тоттенхэм" учрашуви 17 октябрь Тошкент вақти билан 20:30да бошланади.
