Франция терма жамоаси бош мураббийи Лоран Блан "Милан" жамоаси ҳимоячиси Филип Мексесни қаттиқ танқид остига олди.

Французлар бош мураббийининг фикрича "Ювентус"га қарши ўйинда Мексеснинг рақиб футболчисига ишлатган қўполлиги жуда хунук таассурот қолдирган.

"Мексеснинг хатти-ҳаракатини умуман оқламайман. Сабаби, бундай қўполликдан сўнг майдондан четлатилишинг ва ўз жамоангни қийин ахволга солиб қўйишинг ҳеч гап эмас. Мексесга нисбатан чиқарилган қарор жуда тўғри деб ҳисоблайман. Тасаввур қилинг, у Европа чемпионатининг илк ўйинидаёқ шундай қўполлик ишлатди, аммо буни ҳакамлар кўрмай қолди. Аниқ айтишим мумкинки, шундан кейин у чемоданларини йиғиштириб ортга қайтарди. Уни ўзим энг биринчи рейс билан уйига жўнатиб юборардим.",- дейди Лоран Блан TMW нашри ҳодимларига берган интервьюси чоғида.

Эслатиб ўтамиз, Филип Мексес "Ювентус" жамосига қарши ўтказилган учрашув пайтида, меҳмонлар ҳимоячиси Стефан Лихштайнерга жуда қўпол муносабатда бўлганлиги ва ортдан туриб зарба берган эди.

Ҳакамларнинг эътиборидан четда қолган ушбу вазият, Италия Футбол Федерацияси тартиб-интизом қўмитаси томонидан кўриб чиқилди. Натижада, франциялик ҳимоячи Италия "А" Сериясининг учта ўйинидан четлатлди.