Европа чемпионлар лигаси гуруҳ босқичи 3-турида «Ливерпуль» Мадридда «Атлетико» клуби меҳмони бўлиб, 3:2 ҳисобида ғалаба қозонди.

«Матрасчилар» бош мураббийи Диего Симеоне учрашувдан кейин рақиб жамоа устози Юрген Клоппга қўл бермасдан, трибуна остига йўл олди. Ваҳоланки, германиялик мутахассис ҳамкасби томон бораётганди.

Клопп ушбу ҳодиса юзасидан берилган саволга қуйидагича жавоб қайтарди:

«Бу бизга ёқмайди, аммо шундай воқеа юз берди. Мен унинг қўлини сиқиб қўйишни истайман. Унинг муносабати ҳам, меники ҳам унчалик тўғри бўлмади.

Кейинги сафар албатта қўл беришамиз. Бу оддий нарса. У хафа бўлди, аммо мендан эмас, ўйиндан. Бошқа ҳеч гап йўқ».

«Ливерпуль» "B" гуруҳида 3 ўйиндан 9 очко жамғарган бўлса, «Атлетико» ҳисобида 4 очко мавжуд.