Yevropa chempionlar ligasi guruh bosqichi 3-turida «Liverpul» Madridda «Atletiko» klubi mehmoni bo‘lib, 3:2 hisobida g‘alaba qozondi.
«Matraschilar» bosh murabbiyi Diyego Simeone uchrashuvdan keyin raqib jamoa ustozi Yurgen Kloppga qo‘l bermasdan, tribuna ostiga yo‘l oldi. Vaholanki, germaniyalik mutaxassis hamkasbi tomon borayotgandi.
Klopp ushbu hodisa yuzasidan berilgan savolga quyidagicha javob qaytardi:
«Bu bizga yoqmaydi, ammo shunday voqea yuz berdi. Men uning qo‘lini siqib qo‘yishni istayman. Uning munosabati ham, meniki ham unchalik to‘g‘ri bo‘lmadi.
Keyingi safar albatta qo‘l berishamiz. Bu oddiy narsa. U xafa bo‘ldi, ammo mendan emas, o‘yindan. Boshqa hech gap yo‘q».
«Liverpul» "B" guruhida 3 o‘yindan 9 ochko jamg‘argan bo‘lsa, «Atletiko» hisobida 4 ochko mavjud.
