«Интер» бош мураббийи Симоне Инзаги Чемпионлар Лигаси гуруҳ босқич 3-тур доирасида Молдованинг «Шериф» клуби устидан қозонилган ғалабадан (3:1) кейин ўз фикрлари билан бўлишди.
"Қандай ўйнаш керак бўлса, шундай ҳаракат қилдик. «Шериф» гуруҳнинг дастлабки икки ўйинида икки ғалаба қайд этганидан кейин бу ерга жуда катта иштиёқ билан келган эди. Ўйин ўғир ўтди, аммо биз кўплаб вазиятлар яратдик. Уч марта дарвоза тўсинини нишонга олдик ва учта гол урдик. Бундан ташқари яна кўплаб вазиятлар яратдик.
Ўйинимизни бундан ҳам яхшилай оламиз, лекин аъло даражали ўйин намойиш этдик. Ажойиб жамоа, «Шериф» қарши ҳужумга ўтганида бир қанча хатога йўл қўйдик ва даҳшатли голни ўтказиб юбордик. Қилинадиган ишлар кўп, аммо бу жамоанинг ўйинини кўриш завқли.
Биринчи бўлимда кўпроқ гол уришимиз керак эди. Видал ва Алексис Санчес биргаликда доим иштиёқ билан машғулот ўтказишади. Улар ҳар доим ёрдамга тайёр эканликларини менга кўрсатишади. Артуро барчасига ҳақли, чунки у ёш бола каби иштиёқ билан жамоага ёрдам беришга тайёр, доим".
«Интер» ярим ҳимоячиси Артуро Видал ҳам ўз фикрларини айтиб ўтди.
"Голимни Чилидан туриб кузатаётган қизим Элизабеттага бағишлайман. Унга ваъда бергандим. Буни амалга ошириш учун гол урдим ва унга бағишладим. Чемпионлар Лигасида гуруҳ босқичидан ўтиб олишни истаймиз. Майдонни тарк этаётганимда мухлисларнинг туриб олқишлаганларидан жуда ҳам хурсандман. Улар мендан жуда кўпини кутишади ва умид қиламанли уларни хурсанд қиламан".
«Интер» ҳужумчиси Эдин Жеко: "Баъзида осон кўринган қийин голларни кирита оламан. Муҳими, бугун гол уришим эди. Гол ўтказиб юборганимиз ачинарли. Бутун жамоа яхши ҳимояланиши шарт эди. Шунингдек, ҳужумда ҳам яхши ҳаракат қилиши лозим эди. Биз биргаликда ҳаммамиз яхшиланишда давом этишимиз зарур, аммо тўғри йўналишдамиз. Бугун кўплаб вазиятлар содир этдик. Бу ишни «Реал»га қарши баҳсда ҳам қилгандик, аммо гол ура олмагандик. Қандай қилиб, билмайман".
«Интер» ҳимоячиси Де Врай: "Бу биз учун муҳим ғалаба. Бу ўйин худди финал каби эди. Ғалаба қозониш учун иштиёқ юқори бўлди ва биз буни уддалаганимиздан хурсандман".
