Европа чемпионлар лигаси гуруҳ босқичи 3-тури доирасида «Барселона» ўз уйида Киевнинг «Динамо»ни қабул қилиб, кичик ҳисобда ғалаба қозонди.

Куман шогирдлари биринчи бўлимда голга тортадиган 4та вазият яратишди. Люк де Йонг томонидан йўлланган битта хавфли зарбани дарвозабон қайтарган бўлса, нидерландиклик форварднинг бош билан йўллаган битта зарбасига аниқлик етишмади.

Киевликлар посбони Бушчан "Барса" ҳимоячиси Сержиньо Дест томонидан яқини масофадан йўлланган зарбани қайтарди. Аммо бурчак зарбасидан кейин каталонияликлар барибир ҳисобни очишди. Пикенинг зарбаси қаршиисида украиналик посбон ожиз қолди.

Иккинчи бўлимда захирадан тушган Ансу Фати ажойиб имкониятга эга бўлди. Аммо у 3 метр масофадан 7 метрли дарвозани ишғол эта олмади.

"Динамо Киев" иккинчи таймда ҳужумларга ўтиб турди, аммо киевликларга рақиб дарвозасини забт этиш насиб этмади.

"Барселона" ушбу ғалабадан сўнг ўз очколарини 3тага етказиб, жадвалда 3-ўринга кўтарилиб олди.

ЕЧЛ, гуруҳ босқичи, 3-тур
Барселона Испания – Динамо Киев Украина 1:0 (1:0, 0:0)
Гол: 1:0 – 36 Пике.
Барселона – тер Стеген, Мингеса (Коутиньо, 46), Пике, Лангле, Альба, Бускетс, де Йонг, Гави (Сержи Роберто, 69), Дест, де Йонг (Фати, 46), Депай (Агуэро, 75).
Динамо Киев – Бушчан, Кендзера (Тымчик, 78), Сирота, Забарный, Миколенко, Цыганков (Караваев, 85), де Пена (Витиньо, 61), Сидорчук, Буяльский (Рамирес, 85), Шапаренко, Супряга (Гармаш, 61).
Огоҳлантириш: Дест (90).