Yevropa chempionlar ligasi guruh bosqichi 3-turi doirasida «Barselona» o‘z uyida Kiyevning «Dinamo»ni qabul qilib, kichik hisobda g‘alaba qozondi.

Kuman shogirdlari birinchi bo‘limda golga tortadigan 4ta vaziyat yaratishdi. Lyuk de Yong tomonidan yo‘llangan bitta xavfli zarbani darvozabon qaytargan bo‘lsa, niderlandiklik forvardning bosh bilan yo‘llagan bitta zarbasiga aniqlik yetishmadi.

Kiyevliklar posboni Bushchan "Barsa" himoyachisi Serjinyo Dest tomonidan yaqini masofadan yo‘llangan zarbani qaytardi. Ammo burchak zarbasidan keyin kataloniyaliklar baribir hisobni ochishdi. Pikening zarbasi qarshiisida ukrainalik posbon ojiz qoldi.

Ikkinchi bo‘limda zaxiradan tushgan Ansu Fati ajoyib imkoniyatga ega bo‘ldi. Ammo u 3 metr masofadan 7 metrli darvozani ishg‘ol eta olmadi.

"Dinamo Kiyev" ikkinchi taymda hujumlarga o‘tib turdi, ammo kiyevliklarga raqib darvozasini zabt etish nasib etmadi.

"Barselona" ushbu g‘alabadan so‘ng o‘z ochkolarini 3taga yetkazib, jadvalda 3-o‘ringa ko‘tarilib oldi.

YECHL, guruh bosqichi, 3-tur
Barselona Ispaniya – Dinamo Kiyev Ukraina 1:0 (1:0, 0:0)
Gol: 1:0 – 36 Pike.
Barselona – ter Stegen, Mingesa (Koutinyo, 46), Pike, Langle, Alba, Buskets, de Yong, Gavi (Serji Roberto, 69), Dest, de Yong (Fati, 46), Depay (Aguero, 75).
Dinamo Kiyev – Bushchan, Kendzera (Timchik, 78), Sirota, Zabarniy, Mikolenko, Sigankov (Karavayev, 85), de Pena (Vitinyo, 61), Sidorchuk, Buyalskiy (Ramires, 85), Shaparenko, Supryaga (Garmash, 61).
Ogohlantirish: Dest (90).