Норвегиялик футболчининг агенти клублар билан музокараларни бошлаган.
Англиянинг "Daily Mail" нашри берган маълумотларга кўра, "Боруссия Дортмунд" ҳужумчиси Эрлинг Холанд ёзда жамоани тарк этиш шартларини эълон қилди. Унга кўра, Холанд янги жамоасига камида 500000 евро миқдорда ҳафталик маош ва жамоадаги асосий фигура бўлиш ҳақида талаб қўйган. Райола даъвогар клублар раҳбарияти билан учрашувлар ўтказмоқда.
Эслатиб ўтамиз, олдинроқ "Челси" бош мураббийи Томас Тухель жамоа Холандга қизиқаётганини маълум қилган эди. Шунингдек, футболчига "Реал", "Бавария" ва "ПСЖ" ҳам қизиқиш билдирмоқда.
