Кеча Lochinlar.Uz сайти ходимлари "Навбаҳор" вақтинчалик уй учрашувларини қабул қиладиган Косонсойдаги "Марказий" ўйингоҳга ташриф буюриб, у ердаги ҳолат билан яқиндан танишишди.

Айтиш керакки, стадионнинг ҳозирги аҳволи кўнгилдагидек эмас. Ўйингоҳ мавсумга умуман тайёр эмас. Шунга қарамай стадионда таъмирлаш ишлари олиб борилмоқда.

Чемпионат бошланишига 12 кун вақт қолган бир пайтда ўйингоҳнинг тайёр ҳолатга келтирилмаганлиги кишини ўйлантиради. Майдоннинг аҳволи ҳақида ҳеч нарса дея олмаймиз. Бундай вақтда майдоннинг аҳволи қандай бўлиши мумкин?

Стадионнинг қолган қисмлари ҳам ҳозирча шай ҳолатга келтирилмаган. Агарда Косонсойдаги стадион мавсумга тайёр бўлмаса "Навбаҳор" уй учрашувларини Андижон ёки бошқа вилоятдаги ўйингоҳда ўтказишга мажбур бўлади.

Ўйлаймизки, 10 кундан бироз кўпроқ вақт мобайнида ушбу ўйингоҳ янги чемпионатга тайёр бўлади, деб ёзади клуб мухлислар сайти.

Қуйида Косонсойдаги стадиондан олинган суратлар билан танишиб чиқишингиз мумкин.