"Рома" бош мураббийи Жозе Моуриньо қишки трансфер ойнасида жамоани кучайтиришни мақсад қилган, дея хабар берди "Calciomercato" нашри.
Маълумотларга кўра, португалиялик мутахассис ўз жамоасида "Челси" ярим ҳимоячиси Рубен Лофтус-Чик ва "Тоттенхэм" футболчиси Харри Уинксни кўрмоқчи. Шунингдек, "бўрилар" "МЮ" ҳимоячиси Диего Далот ва Менхенгладбахнинг "Боруссия" клуби ярим ҳимоячиси Денис Закарияни ҳам ўз сафига қўшиб олмоқчи, дея қўшимча қилган манба.
Айни вақтда римликлар Италия чемпионатида 12 турда 19 очко тўплаб, турнир жадвалида 6-ўринда бормоқда.
