"Манчестер Юнайтед" ва Англия терма жамоаси ҳужумчиси Маркус Рэшфорд Британия империяси ордени билан тақдирланди, дея хабар беради клуб расмий Twitter саҳифаси.

Мукофот футболчига Виндзор қасрида топширилди. Маросимда шаҳзода Уилям ҳам иштирок этди. Рэшфорд футболчилик фаолиятидан ташқари волонтерлик билан ҳам шуғулланади.

У илгари Манчестер университетида болалар қашшоқлигини камайтириш бўйича битирув малакавий иши билан докторлик диссертациясини олди.

Хусусан, Решфорд кам таъминланган оилалар мактаб ўқувчиларининг ёзги таътилда ҳам бепул овқатланишини таъминлаш учун иш олиб борди, дейилади хабарда.