"ПСЖ" директори Леонардо Лионель Мессининг Аргентина терма жамоасига кетишига қарши. У бу ҳақда шундай дейди:
"Биз жисмоний ҳолати қониқарли бўлмаган ёки тузалиш босқичида бўлган футболчини халқаро танаффусларда терма жамоага қўйиб юборишга мутлақо қаршимиз. Бу мантиққа ҳам тўғри келмайди. Биз мана шу каби ҳолатлар учун ФИФА билан ҳамкорликда янги қоида ишлаб чиқамиз. Бу ҳаммага фойдали бўлади".
34 ёшли Месси тиззасидаги муаммолар сабаб, жамоасининг сўнгги баҳслари: ЕЧЛда "Лейпциг" ҳамда лигада "Бордо"га қарши ўйинларни ўтказиб юборган эди.
