"Бавария" ва Польша терма жамоаси ҳужумчиси Роберт Левандовски бўлажак "Олтин тўп"ни топшириш маросими ҳақида ўз фикрлари билан ўртоқлашди.
"Мен бу ҳақда кўп ўйлашни истамайман. Ғалаба қозониш имкониятларим ҳақида ўйлаш, менга ёрдам бермайди. Оммавий ахборот воситалари орқали чиқадиган янгиликларга унча аҳамият бермайман. Мен бошқа нарсаларга эътибор қаратишни афзал кўраман.
Албатта, "Олтин тўп" - бу ажойиб мукофот, лекин бу ҳақда ўйламаслигим керак, чунки маросимдан олдин ҳам, кейин ҳам ҳали кўп ишлар олдинда кутиб турибди", - деди Левандовски.
Эслатиб ўтамиз, "Олтин тўп" соврини топшириш маросими 29 ноябрь куни Парижда бўлиб ўтади.
